大陸酒店真係信唔過

好地地一個珠海trip，估唔到返到黎香港成個月都仲有一PAT臭屎要搞！！！
話說我用信用卡搞deposit（¥1000），用cash找房錢（¥820），到credit card張單出左黎，竟然發現又收咗房錢（¥820）？？？？
好彩出外靠朋友，朋友T幫我同酒店deal，總算見到有曙光。



做過card centre朋友C話，原來可以唔使自己同酒店deal，直接叫銀行同酒店deal，不過當然要好有技巧兼要睇銀行policy啦。
佢話佢之前周不時都有客打電話黎投訴大陸酒店成日亂charge人錢，例如住1晚charge 3晚、明明預先俾左錢又charge多次等等…所以佢地一聽到係大陸酒店就知咩事。

總之佢地收到d客話條數錯，佢地多數會開個dispute case同hold數，然後佢地會問返酒店攞單呀剩証明佢地係冇收錯錢，如果酒店俾唔出，就可能成功退錢！！
雖然佢地prefer個客自己同酒店deal，不過面皮夠厚都可以叫到銀行幫手deal。
當然，朋友C間credit card公司係出名好service易退錢嘅，我好後悔冇用佢張卡簽呀！！！

btw，原來AE張綠色CX卡係簽夠數就唔使年費的，不過係AE最cheap最冇乜so嘅卡囉…